జగిత్యాల:రాష్ట్ర పురపాలక,ఐటీ శాఖ మంత్రి కేటీఆర్ జిల్లా పర్యటన సందర్భంగా ఎలాంటి అవాంఛనీయ సంఘటనలు జరగకుండా జిల్లావ్యాప్తంగా రైతుసంఘాల నాయకులతో పాటు పలువురు ప్రజా ప్రతినిధులను పోలీసులు ముందస్తు అరెస్ట్ లు చేశారు.తాము ఎలాంటి తప్పు చేయకున్నా అకారణంగా అరెస్ట్ లు చేయడం అన్యాయమని పలువురు రైతు సంఘాల నాయకులు పోలీసుల తీరుపై అసహనం వ్యక్తం చేశారు.ఇదిలా ఉంటే మెట్టుపెల్లిలో అభివృద్ధి కార్యక్రమంలో పాల్గొనేందుకు వెళ్తున్న మంత్రి కేటీఆర్ కాన్వాయ్ పై చెరుకు రైతు ఉత్పత్తిదారుల సంఘం అధ్యక్షులు మామిడి నారా యణ రెడ్డి చెప్పును విసిరాడు.ముందస్తుగా అరెస్ట్ అయి మెట్టుపెల్లి పోలీస్ స్టేషన్ లో ఉన్న నారాయణ రెడ్డి స్టేషన్ ముందు నుండి కేటీఆర్ కాన్వాయ్ వెళ్లడం గమనించి చెప్పును విసిరాడు.వెంటనే అప్రమత్తం అయిన పోలీసులు అతడిని అడ్డుకుని పోలీస్ స్టేషన్ లోపలికి తరలించారు.
