న్యూఢీల్లి:భారతీయ కరెన్సీ నోట్లపై ఇన్నేళ్లుగా మహాత్మ గాంధీ ఫొటోను మాత్రమే చూశాం.కానీ త్వరలో దేశానికి చెందిన మరో ఇద్దరు ప్రముఖుల ఫొటోలను కూడా నోట్లపై ముద్రించాలని రిజర్వ్ బ్యాంకు ఆఫ్ ఇండియా భావిస్తున్నట్లు తెలిసింది.ఆ ఇద్దరిలో ఒకరు బెంగాల్కు చెందిన విశ్వకవి రవీంద్రనాథ్ ఠాగూర్ కాగా,మరొకరు దేశం గర్వించదగ్గ మిస్సైల్ మ్యాన్,భారత మాజీ రాష్ట్రపతి ఏపీజే అబ్దుల్ కలాం.కొత్తగా ఆర్బీఐ విడుదల చేయనున్న కొన్ని డినామినేషన్ బ్యాంకు నోట్లపై ఈ ఇద్దరి ఫొటోలను ముద్రించాలని నిర్ణయించినట్లు సమాచారం.కేంద్ర ఆర్థిక శాఖ,రిజర్వ్ బ్యాంక్ ఆఫ్ ఇండి యా సంయుక్తంగా ఈ నిర్ణయం తీసుకున్నట్లు తెలిసింది.అయితే జాతిపిత మహాత్మా గాంధీ ఫొటోలతో కూడా ఇప్పటిలానే కరెన్సీ చలామణి అవుతుంది.కొన్ని డినామినేషన్ నోట్లపై మాత్రమే రవీం ద్రనాథ్ ఠాగూర్,ఏపీజే అబ్దుల్ కలాం ఫొటోలను ముద్రించనున్నారు.అయితే ఇన్నాళ్లూ లేనిది ఇప్పుడే ఈ నిర్ణయం తీసుకోవడం ఏంటనే సందేహం కలగడం సహజం.ఈ సందేహానికి ఆర్బీఐ చెబు తున్న సమాధానం ఏంటంటే కరెన్సీ నోట్లపై ప్రముఖల ఫొటోలను ముద్రించేందుకు ఉన్న సాధ్యాసాధ్యాలను,అవకాశాలను అన్వేషిస్తున్నామని,ఆ అన్వేషణలో భాగంగానే ఈ యోచన చేస్తున్నట్లు తెలిపింది.మన దేశంలో కరెన్సీ నోట్లపై మహాత్మా గాంధీ ఫొటో మాత్రమే ఉంటుంది.కానీ అగ్ర రాజ్యంగా పేరొందిన అమెరికాలో డాలర్లపై చాలా మంది ఆ దేశ ప్రముఖులు ముద్రించబడ్డాయి.జార్జ్ వాషిం గ్టన్,బెంజమిన్ ఫ్రాంక్లిన్,థామస్ జెఫ్ఫర్సన్,ఆండ్రూ జాక్సన్,అలెగ్జాండర్ హామిల్టన్,అబ్రహం లింకన్తో పాటు 19వ శతాబ్దంలో ఆ దేశాధినేతలుగా చేసిన కొందరి ఫొటోలతో ఆ దేశంలో కరెన్సీ చలా మణీలో ఉంది.ఇదిలా ఉండగా రవీంద్రనాథ్ ఠాగూర్,కలాం ఫొటోలతో కొత్త నోట్ల ముద్రణ ఎంతవరకొచ్చిందనే ప్రశ్నకు కూడా ఆర్బీఐ సమాధానం చెప్పింది.ఆర్బీఐ,కేంద్ర ఆర్థిక శాఖ పరిధిలో ఉండే సెక్యూరిటీ ప్రింటింగ్ అండ్ మింటింగ్ కార్పొరేషన్ ఆఫ్ ఇండియా గాంధీ,ఠాగూర్,కలాం వాటర్మార్క్స్ను రెండు సపరేట్ సెట్స్గా ఐఐటీ-ఢిల్లీ ఎమెరిటస్ ప్రొఫెసర్ దిలీప్ టి.షహానికి పంపడం జరిగింది. ఆ రెండు సెట్స్లో ఎంపిక చేసి అంతిమ ఆమోదం కోసం కేంద్ర ప్రభుత్వానికి పంపినట్లు ప్రొఫెసర్ దిలీప్ టి.షహాని చెప్పారు.
Latest article
World Cup 2023: ఇదే మీకు, మాకు తేడా.. ప్రపంచ కప్పై కాళ్లు పెట్టి, బీరు తాగిన ఆసీస్...
ప్రపంచకప్ గెలిచిన తర్వాత ఆస్ట్రేలియా జట్టు సంబరాలు అంబరాన్నంటాయి. ఆటగాళ్లందరూ ఒకరినొకరు హత్తుకుంటూ అభినందనలు, శుభాకాంక్షలు తెలుపుకున్నారు. ఇక్కడి వరకు బాగానే ఉంది కానీ.. డ్రెస్సింగ్ రూమ్లో ఆసీస్ ఆటగాళ్లు ప్రవర్తించిన తీరుపై...
BRS vs Tummala: తుమ్మల నాగేశ్వరరావు కామెంట్స్తో కాకరేపుతున్న ఖమ్మం పాలిటిక్స్ ..ప్రత్యామ్నాయం కోసం BRS ప్లాన్స్
BRS vs Tummala: అసమ్మతి సెగలు, అసంతృప్తుల నిరసనలతో BRSకి గట్టి దెబ్బ తగలనుంది. రాబోయే ఎన్నికల్లో అభ్యర్ధుల ఎంపిక విషయంలో తుమ్మల లాంటి సీనియర్ నేతను పక్కన పెట్టడంతో తాడో పేడో...
మూడు పార్టీల జాతీయ హోదా రద్దు..!
న్యూఢిల్లీ:కేంద్ర ఎన్నికల సంఘం కీలక నిర్ణయం తీసుకున్నది.మూడు పార్టీల జాతీయ హోదాను ఉపసంహరించుకున్నది.అదే సమ యంలో మరో కొత్త పార్టీకి జాతీయ హోదా ఇచ్చింది.కేంద్ర ఎన్నికల సంఘం సమావేశమైంది.ఈ సందర్భంగా తృణమూల్ కాంగ్రెస్,...